Motto: “Sentiments – tribuna libra per pial gaglina e battacor”

Has ti gust da cantar, semover e passentar ina biala jamna ensemen cun biars auters affons e giuvenils? Lu neu alla jamna da cant a Trun!

Sut il motto „Sentiments – tribuna libra per pial gaglina e battacor“ sfundrein nus el mund dalla musica, moviment e giugs. Nus cantein, scuvrin novs tuns, saltein e schein liber nossa fantasia.

Envidai ein affons naven da 5 tochen 16 onns che han plascher da musica e moviment. Ensemen passentein nus in’ jamna creativa, emprendin d’enconuscher novs amitgs e preparein ina pintga presentaziun.

Nus selegrein da biars affons che han plascher da cantar!

Naven da gliendisdis ils 3 d’uost 2026 entochen venderdis ils 7 d’uost 2026 ellas localitads dalla casa da scola a Trun

Venderdis suentermiezdi han tut ils affons liber (era ils Midis ed ils Maxis).
Il concert final ha liug venderdis sera allas 19:00 el center communal.

• Minis 1: 9.15–11.30, affons da scoletta
• Minis 2: 9.15–11.30, affons dall’emprema e secunda classa
• Midis: 9.15–11.45, pausa da gentar, 13.15-15.45, affons dalla tiarza tochen la tschunavla classa
• Maxis: 9.15–11.45, pausa da gentar, 13.15-15.45, affons e giuvenils naven dalla sisavla classa tochen il davos onn da scola

Mintgamai igl avonmiezdi ed il suentermiezdi vegn fatg ina pausa. Mintgin sa prender cun sez tenor siu gust il proviant.
P. pl. prender cun ina butteglia per saver emplenir cun aua duront il di.
Ils Midis ed ils Maxis van a gentar sin Casa Depuoz. Ils affons vegnan accumpignai e survigilai da nossas menadras duront il temps da miezdi. Ils cuosts dil gentar ein cumpri el prezi dil camp da cant.

Il temps ein drizzai aschia ch’ils affons san far il viadi cul traffic public.
Il viadi el tren schai ella responsabladad dils geniturs.

Minis 1 e Minis 2: 70 francs
Midis e Maxis: 150 francs
Naven dil tierz affon per famiglia dat ei in rabat da 20% sill’entira summa.

Mintg’affon survegn in t-shirt cun in squetsch dil camp da cant 2026.
El talun d’annunzia saveis Vus indicar la grondezia.

Sco persuna da contact per l’administraziun duront quell’jamna stat Manuela Cabalzar a disposiziun.

Sin seveser era uonn a Trun!